Schreibung:
Erstdruck (1859) Erstdruck mit Übersetzung 〉〉 Orthographie Herrmann-Winter 〉〉
John Brinckman
Sacht Rat!
Wat büst du schir un glatt!
Doa waßt woll schoenen Klewe,
Doa inne Koppel, wat?
Wu stur kannst du di steilen!
Wat settst du, flink un blind,
Hen aewe Slet un Rick un Tun,
So licht as Früjoarswind!
Wat hest foer dralle Ben du,
Wu dull sleist achte ut!
Wat büst du kraensch un wälig
Un prust so mit din Snut!
Sacht Rat! min oll lütt Falen,
Sacht Rat! Wu ball, wu ball, –
Sü, denn so kümmt de Winte,
Un denn kümmst uppen Stall.
Nast kam se mit de Egen,
Mit Haken un mit Plog,
Swep, Sadel, Tom un Selen,
Denn wast du fram genog.
Denn geit di ’t anne Knaken,
Giwt ’t man ’n streken Vatt;
Denn kamen Kropp un Schibel
Un Muk un Gall un Spatt.
Sacht Rat! min oll lütt Falen,
Sacht Rat! Wu ball, wu ball –
Sü, denn so kümmt de Winte,
Un denn wast up du stallt! -
Quelle: Vagel Grip. Güstrow : Opitz, 1859. S. 56-57. Der originale Text: online 〉〉