Schreibung:
Erstdruck (1859) 〉〉 Erstdruck mit Übersetzung 〉〉 Orthographie Herrmann-Weber
John Brinckman
Bierprof
wat to uns Bier he secht, –
un ob sien Ollsch sonn Drinken ok
as uns to brugen dœcht.«
»Juuch Bier, dor lett sik nicks von seggen,
keen Klünner is ’t, keen Jüch.
Dat is nich, Nåwer, allto suer
un allto söt ok nich.
Un, Nåwer, wenn een hellig is,
dat is heet, un dor is doch
up ’n Vittel Wächs keen Born to Hand,
denn deit een sacht ’n Toch.
Man bi juuch Bier, un, Nåwer, nicks
för ungot, schient dat so,
as drööch dor Lazarus dat Molt
un Simson Wåter to.«