Schreibung:
Erstdruck (1859) 〉〉 Erstdruck mit Übersetzung 〉〉 Orthographie Herrmann-Weber
John Brinckman
Moder schellt all wedder
Rock œwer ’t Knee!
Schäm di! Schäm ik mi doch,
wenn ik dat seh.
Schmittst jå dien Kopp so dull,–
wo süht dat ut!
Gråd so, as keem wän wull,
du würdst sien Brut.
Mit sonn driest Külpen jå
öögst du de Manns, –
wenn dat een markt, süh so,
stählt he dien Kranz.
Wenn dat een markt, wo schlicht
du di verwohrst,
sittst tokåm’n Johr villicht
dor du un roorst.
Weenst in dien Kåmer dien
blödige Trån,
muchst gliek vör Schimp un Pien
sülfst dot di schlån.
Süh, Diern, denn holl di an,
Wat du man kannst!
Männigeen, glöf du man,
hett all in Schimp un Schann
sik rinner danzt.«