Schreibung:
Erstdruck (1859) 〉〉 Erstdruck mit Übersetzung 〉〉 Orthographie Herrmann-Winter
John Brinckman
Adschüs
un büst nu so wiet mit mi gåhn
dörch Nacht un Dach un dick un dünn,
nu will ’k di all, wat got is, günnen, –
ik sech di nu adschüs!
Torecht heff ik wat Orrigs klœnt,
kann sien toväl ok vör di drœnt;
na, jeder Vågel fläut sien Leed,
so as he nå sien Schnåbel heet, –
ik sech di nu adschüs!
Wi gåhn nu all beid hier voneen,
wän weet, wat wi uns wedder sehn,
wän weet, wat du dat tweete Mål
ok stichst mit mi de Landstråt dål,
ik sech di nu adschüs!
Wen weet, wat ik ok Order kriech
un wieder gåh un wieder stiech;
ik häng mien Handstock an de Wand
un schüdd di, Broder, nu de Hand
ik sech di nu adschüs!