Schreibung:
Erstdruck (1859) 〉〉 mit Wort-für-Wort-Übersetzung Orthographie Herrmann-Winter 〉〉
John Brinckman
Dat is un bliwt en narrsches Stück.
Hannjochen kickt mi ümme na,
In Dönsk un Hoff un Schün un Stall
Un wu ick ga un wu ick sta;
Denn kickt he üm de Eck un denn
Ens werre aewe Tun un Rick,
Denn ut de Luk goa na mi hen,-
Dat is un bliwt en narrsches Stück!
Un wenn he buten haken deit,
Un ick kam na de Regel ’ran
Denn seggt he: prr! De Haken steit
He dreigt sick üm un glupt mi an;
Un hal ick ’s Abens Spol un Flaß
Un schuw min Spinnrad ranne ick,
Denn schult he na mi hen foer dwaß, -
Dat is un bliwt en narrsches Stück!
He plirt na mi, he kapt mi an,
As wenn he mi wat fragen mücht,
As ob dat aewest ’rut nich kann,
He sick tovel bisünn, mi dücht;
Dat deit üm em mi oarig led,
Ick sär em jo den Ogenblick
Girn up de Ster, all wat ick wet,-
Dat is un bliwt en narrsches Stück!
Mouse-Over: hochdeutsche Übersetzung des Wortes.
Mouse-Click: Wort im John-Brinckman-Wörterbuch
Mouse-Click: Wort im John-Brinckman-Wörterbuch