Schreibung:
Erstfassund (1859) 〉〉 Erstdruck mit Übersetzung Orthograpie Herrmann-Winter 〉〉
John Brinckman
Denn helpt dat nich
Un mi nich wist un magst
Un achte Hans un Krischan büst
Un ümme ut mi lachst,
As ob ick doesig wir un mall
As Hinrich sin oll Voß in ’n Stall,
Na, - je denn helpt dat nich!
Un wenn du menst, wat ick man spaß,
Un dat ’s doch all min Irnst, -
Sü, denn büst du am Enn de Klas,
Man dat to lat du ’t lirnst.
Un wenn, ir du di dat vesüst,
Du nast mit sonn lang Näs’ awtüst, -
Na – je denn helpt dat nich!
Un wenn ick Lisch nu frigen do
Un swapps di sitten lat
Samst din oll Petesill, sü so,
Wen wet, ob mi dat schat.
Wenn du di voer din Kopp denn sleist
Un nasten di vesoepen deist, -
Na, – je denn helpt dat nich!