- Giw, More, di tofreren!
Wat sorgst un sinnst du vel?
De Sorgen, sü! de teren
Un maken droeg un gel.
An de to Schannen hett sick
All awslept mennigen;
Sorg is en Worm, de frett sick
Dörch Isen un dörch Sten.

Olt is un schew üns Katen,
Vesackt all Sal un Fack,
De Stännes weck utschaten
Un weck veollmt un swack –
Doch kaen’ wi üns noch roegen,
Wu knapp, wu eng un lütt,
Doch sitt’ wi noch in Droegen,
Wu dull dat weigt un gütt.