| Anmerkung | Über Bibliothekslink Inhaltsangabe. Auszug: Wilhelmine Siefkes is up de veerde Januar 1890 in Leer up de Welt komen. Daar het se later as Mestersche arbeid. 1933 düürs se neet mehr schrieben un muß ook hör hör Stee in de School upgeven. Keerlke is Siefkes eerste plattdüütsche Roman. Waarum se för dit Wark 1940 de Johann-Hinrich-Fehrs-Pries kregen het, kann sück elkeen nagahn, de dit Book lesen het. ’T is een van de mooiste Geschichten, de up Plattdüütsch schreben sünt. ’T alldagse Leben, all dat, waar en Kind mit to doon het, word hier beschreben. In disse Roman bekieken wi de Welt döör de Ogen van Hinni Stalboom, de tohuus un bi sien Fründen "Keerlke" ropen word. Wi leren Keerlke kennen, kört vördat he na de School kummt un lopen denn sowat fief Jahr mit hum döör sien Leben. Makkelk het Hinni ’t neet. He is de Söhn van arme Lü un het noch ses Süsters. De Familje wahnt in en Stadt in Ostfreesland. Sien Vader is Müürmann, sien Moder geiht wasken, wiel ’t Geld alltied to min is. Dit weer so slimm noch neet, wenn de Vader dat bietje Geld, dat in ’t Huus kummt, neet futt weer versupen dee. Vaak het Hinnis Moder Nood, dat d’r neet genoog to bieten is för hör Familje, of dat de Hüür neet betahlt worden kann. Man heel un dall gries is Keerlkes lüttje Leben neet. Af un an beleeft he ook wat moois, so as de Tied, waar he up ’t Land, in Mojehörn, bi sien Unkel un Tant wahnen düürt. (IR) |
/ 7729