Set Förste Knop to Krog in Droegen
Un kem vun ’t Bir he uppen Krock,
Denn füng he mächtig an to legen
Un makt ut jere Dutz dre Schock;
Un der em denn doamank wen snacken
Mit wu? woso? wuans? un wat?
Denn pußt he up glik beir sin Backen
Un roep: dat hürt up ’t anne Blatt!

So set ok ens he doa; dunn sär he, –
Bi ’t twet Glas Krock doa wir he grar:
- Is dat upsters en roares Were,
Man ok de Hoenejagd is roar!
En Volk hew ’k achte bi de Eken,
Twe anne up de Roggenbrak
Un dre denn noch doa günt de Boeken,
Wu nu se den Rappacke hak’.