Nu hew se richtig Freren makt,
Un All schrin nu: Hurra!
Irst würr sick kratzt, nu wad sick strakt, –
Wen wet, wat nu kümmt na.
Dat ’s jo sonn Ulenspegelkram!
Wu is doa de Velat?
Dat kann noch goa to snurrig kam’,
Holl wi nu üns nich recht tosam
Un foer ’t Uenwere p’rat.

Un wat sonn rechten Schapskopp is,
De praetelt nu irst recht
Un deit sin Mul up ganz gewiß
Un schrigt: Hew ’k dat nich seggt!
So müßt dat kam’, as nu dat kümmt, –
Nu wad ’t All werre got,
Nu wad üns sülm ken Hoar nich krümmt,
Nu sen wi all, wu schoen dat stimmt
Vun ’n Kopp bet up ’n Fot.