un süht so bang un ängstlich ut
un fröcht denn Oll’n:

MARIK
„Wo is Jehann?“

DANIEL
„De Knechts, de hålen Holt vermorr’n.“

MARIK
„Ach Daniel, mi ’s so angst un bang.
Mien Vadder is so krank mi worn,
ik heff nå ’n Dokter so ’n Verlang’n.
Ach Daniel, birr Hei doch denn Herrn,
dat hei denn Dokter hålen lett.“

DANIEL
„Gåh man – frågen will ’k em giern!
... Wenn hei man sienen Gauden hett.“

ERZÄHLER
Un fummelt rüm an de Kandar. (Der Herr tritt auf.)

HERR
„Was hat Er noch, Er alter Narr?“

DANIEL
„Denn Dokter möt w’ woll hålen låten –?“

HERR
„Was? Dokter? Was? Ist Jemand krank?“